Want create site? Find Free WordPress Themes and plugins.



Gerenuk, ya da elmi adıyla “Litocranius waller” növü Somali dilində “zürafə boyunlu” mənasını verir (şәkilin birinci qismindә görә bilәrsiniz), fotoşəkildən göründüyü kimi daha yaxşı bir tərif vermәk çətin olardı. Әslindә bir antilop növüdür və zürafələrin əksinə, boyunları həqiqətən də uzun budaqlara çata bilmәk üçün təkamül keçirməsi düşünülən canlılardan biridir. Zürafələrin boynunun niyə uzun olduğunu maraqlanırsınızsa,  bu yazımızı oxuya bilərsiniz.

Gerenuklar çox nadir olaraq yerdəki otları yeyirlər, demək olar ki, hər zaman akasiya kimi kollardakı və kiçik ağaclardakı meyvələrlə qidalanırlar. Lakin bədənləri birbaşa bu budaqlara çatmaq üçün olduqca qısadır. Digər tərəfdən ovçulardan qaçmaq üçün ola bildiyincə yerə yaxın və çevik ola bilməlidir. Belәcә təkamüllü müddətdə bu optimizasiya (uyğunlaşma) ikisinin ortaq nöqtәsi birlәşәrәk mümkün olmuşdur, gerenuklar ağac budaqlarına çatmaq üçün arxa ayaqları üzərinə qalxaraq və uzun boyunlarını istifadə edərək qidalanırlar. Fotoşəkilin 2. qismindә bunu görә bilərsiniz.

Bunun xaricində hələ növə aid çox da məlumatımız yoxdur. Növün çox güclü qrup daxili əlaqələri olduğu və bir-birlərinə “nəzakətli” davranan heyvanlardan biri olduğu müəyyən edilmişdir. Bu səbəbdən Qohum seçməsinin növ içərisində güclü bir seçmə təzyiqi yaratdığı düşünülməkdədir. Məsələn, bəzi müşahidələrdə növün fərdlərinin geridə qalan fərdlərə kömək etdikləri görülmüşdür. Bu səbəblə bəzi Afrika qəbilə hekayələrində gerenuklar “Nәzakәt Kraliçası” olaraq adlanır.

İncə qıçlarının asanlıqla qırılabilәcәyi bilinsə də, bu qıçlar sayəsində son dərəcə qısa müddətdə yüksək bir sürətə çataraq ovçularını geridə buraxırlar. Erkәklәr dişilərdən daha uzundur (89-105 santimetrə qarşılıq 80-100 santimetr) və daha ağırdır (45 kiloqrama qarşılıq 30 kiloqram). Bu səbəblə Cinsi Seçmənin də boyun uzunluğuna qatqısı olduğu düşünülə bilər. Gerenukların ovçuları arasında aslanlar, hepardlar, çaqqallar və leoparlar var. Hal-hazırda növ ciddi bir təhdid altında deyil, ancaq gedərək təhdid səviyyəsi artmaqdadır.

Did you find apk for android? You can find new Free Android Games and apps.

Rəy yazın

Lütfən, rəyinizi daxil edin
Lütfən, adınızı daxil edin